📅 2025-жыл, 9-май
📍 Базар-Коргон району, борбордук аянт

Бүгүн 2025-жылдын 9-майында Улуу Ата Мекендик согуштагы Жеңиштин 80 жылдыгына карата Базар-Коргон районунда чоң салтанат болуп өттү. Областтык деңгээлде уюштурулган бул майрамдык иш-чара район борборундагы аянтта чоң салтанат менен белгиленип, анда ар түрдүү мекеме-ишканалар жана айыл өкмөттөр параддык жүрүшкө чыгышты.

Бул маанилүү күндө Сайдыкум айыл өкмөтүнүн эмгек жамааты да жигердүү катышып, параддан салтанаттуу түрдө өтүштү. Жамаат өзүнүн тартиптүүлүгү, биримдиги жана Улуу Жеңишке болгон урмат-сыйы менен көпчүлүктүн купулуна толду. Алардын мындай активдүүлүгү менен Улуу муунга болгон сый-урматтын жана патриоттук сезимдин жогорку деңгээлде экендиги дагы бир ирет көрүнүп турду.

Салтанаттын жүрүшүндө согуш ардагерлерине урмат көрсөтүлүп, эстеликтерге гүлчамбарлар коюлуп, концерттик программа менен коштолду. Бул майрам – тынчтыкты, эркиндикти жана мекенге болгон сүйүүнү даңазалаган маанилүү күн катары белгиленип өттү.

✨ Улуу Жеңиштин 80 жылдык мааракеси баарыңыздарга кут болсун! ✨
Мекенибизде дайыма тынчтык, эл ичинде биримдик орноп турсун!